Ghazal

 

 

Sb Kha Khuch Lala o Gull Mn Numaiyan Ho Gyn

Khak Mn Kiya Sortyn Hun Gyn Ky Pnha Ho Gyn

 

Yaad Thi Hum Ko Bhi Rnga Rang Bazam Arayian

Lakin Ab Naqash o Nagar Taaq Nasayaan Ho Gyn

 

Thi Bnat ul Nash Gurdoo Din Ko Parday MN Nahan

Shab Ko In Ky Gi Mn Kiya Ayi Ky Aryaan Ho Gyi

 

Qaid Mn Yaqoob Ny Li Go Na Yosaaf Ki Khabar

Lakin Ankhiyn Rozaan Dewar Zinda Ho Gyn

 

Sb Raqeebo Sy Ho Na Khosh Pr Znan Misar Sy

Hy Zulekha Khosh Ky Maho Mah Knaa Ho Gyn

 

Joy Khoon Ankhoo Sy Bhny Do Ky Hy Shaam Firaaq

Mn Ye Smjhoo Ga Ky Shamiyn Do Faroozan Ho Gyn

 

In Pari Zaadoo Sy Liyn Gy Khald Mn Intaqaam

Qudraat Haaq Sy yahi Hooryn Agr Wa Ho Gyn

 

Neend Is Ki hy Damag Is Ka Hy Raatyn Is Ki Hyn

Tare Zulfyn Jis Ky Bazoo Pr Pareshaan Ho Gyn

 

Mn Chamn Mn Kiya Giya Goya Dabstaan Khul Gya

Bulbalyn Sun Kr Mare Naly Ghazal Khwa Ho Gyn

 

Wo Negahyn Ku Hoi Jati Hyn Yaraab Dill Ky Paar

Jo Mare Kotahi Qismaat Sy Masgaan Ho Gyn

 

Baska Roka Mn Ny Or Seenay Py Ubhrayn Py By Py

Mare Ahyn Bukhiya Chak Garybaan Ho Gyn

 

Waa Gya Bhi Mn To In Ki Galiyoo Ka Kiya Jawab

Yaad Thi Jitni Duaayn Sirf Darbaan Ho Gyn

 

Jaa Fzaa Hy Bada Jis Ky Hath Mn Jaam A Gya

Sb Lakiryaan Hath Ki Goya Raag Jaa Ho Gyn

 

Hm Moohd Hyn Hmara Kaash Hy Tark Rasoom

Miltyn Jb Mit Gyn Ajzaay Emaan Ho Gy

 

Ranj Sy Khogar Howa Insaan To Mit Jata Hy Ranj

Mushkaliyn Mujh Pr Pariyn Itni Ky Asaan Ho Gyn

 

Yoo Hi Gr Roota Rha Ghalib To Ay Ehly Jahan

Dykhna In Bastiyoo Ko Tum Ky Veraan Ho Gyn

                                                                                     Mirza Ghalib

 

 

 

 

 

 

غزل

 

سب کہاں کچھ لالہ و گل میں نمایاں ہو گئیں

خاک میں کیا صورتیں ہوں گی کہ پنہاں ہو گئیں

 

یاد تھیں ہم کو بھی رنگا رنگ بزم آرائیاں

لیکن اب نقش و نگار طاق نسیاں ہو گئیں

 

تھیں بنات النعش گردوں دن کو پردے میں نہاں

شب کو ان کے جی میں کیا آئی کہ عریاں ہو گئیں

 

قید میں یعقوب نے لی گو نہ یوسف کی خبر

لیکن آنکھیں روزن دیوار زنداں ہو گئیں

 

سب رقیبوں سے ہوں نا خوش پر زنان مصر سے

ہے زلیخا خوش کہ محو ماہ کنعاں ہو گئیں

 

جوئے خوں آنکھوں سے بہنے دو کہ ہے شام فراق

میں یہ سمجھوں گا کہ شمعیں دو فروزاں ہو گئیں

 

ان پری زادوں سے لیں گے خلد میں ہم انتقام

قدرت حق سے یہی حوریں اگر واں ہو گئیں

 

نیند اس کی ہے دماغ اس کا ہے راتیں اس کی ہیں

تیری زلفیں جس کے بازو پر پریشاں ہو گئیں

 

میں چمن میں کیا گیا گویا دبستاں کھل گیا

بلبلیں سن کر مرے نالے غزل خواں ہو گئیں

 

وہ نگاہیں کیوں ہوئی جاتی ہیں یارب دل کے پار

جو مری کوتاہیٔ قسمت سے مژگاں ہو گئیں

 

بسکہ روکا میں نے اور سینے میں ابھریں پے بہ پے

میری آہیں بخیۂ چاک گریباں ہو گئیں

 

واں گیا بھی میں تو ان کی گالیوں کا کیا جواب

یاد تھیں جتنی دعائیں صرف درباں ہو گئیں

 

جاں فزا ہے بادہ جس کے ہاتھ میں جام آ گیا

سب لکیریں ہاتھ کی گویا رگ جاں ہو گئیں

 

ہم موحد ہیں ہمارا کیش ہے ترک رسوم

ملتیں جب مٹ گئیں اجزائے ایماں ہو گئیں

 

رنج سے خوگر ہوا انساں تو مٹ جاتا ہے رنج

مشکلیں مجھ پر پڑیں اتنی کہ آساں ہو گئیں

 

یوں ہی گر روتا رہا غالبؔ تو اے اہل جہاں

دیکھنا ان بستیوں کو تم کہ ویراں ہو گئیں

                                       مرزا غالب

 

 

 

 

 

 

 

 

<__________ Urdu Poetry __________>